गेस्ट्सच्या रिव्ह्यूजचा वापर करून तुमच्या होस्टिंगमध्ये सुधारणा करा

रेटिंग्ज आणि रिव्ह्यूजमध्ये सुधारणा झाल्यास बुकिंग्ज आणि कमाईमध्ये वाढ होऊ शकते. रिव्ह्यू प्रक्रिया कशी हाताळावी आणि गेस्ट्सच्या सूचनांच्या मदतीने लिस्टिंगमध्ये सुधारणा कशी करावी ते येथे देण्यात आले आहे.

गेस्ट्सना त्यांचे मत देण्याची विनंती करून तुम्ही तुमच्या सेवा आणखी चांगल्या करण्यासाठी वचनबध्द आहात हे दाखवा.

• चेक आऊटच्या वेळेस एक शेड्युल केलेला मेसेज पाठवा. गेस्ट्सना फीडबॅक देण्याची विनंती करा, त्यात तुम्ही त्यांचा अनुभव आणखी चांगला कसा बनवू शकला असता याबद्दलच्या नेमक्या सूचना देण्यास सांगा.
• तुमच्या गेस्ट्सबद्दल रिव्ह्यू द्या. यामुळे त्यांना तुम्हाला सार्वजनिकरीत्या रिव्ह्यू देण्याची आठवण होते. तुमच्याकडे एकमेकांबद्दल रिव्ह्यू देण्यासाठी चेक आऊटनंतर 14 दिवसांचा वेळ असतो.

कोणत्या शिफारसी अमलात आणायच्या आहेत हे ठरण्यासाठी एक सोपी प्रक्रिया तयार करा.

• प्रत्येक रिव्ह्यू वाचा. गेस्ट्सनी दिलेल्या मतांबद्दल त्यांचे आभार माना आणि तुमच्या जागेसाठी आणि रूटीनसाठी तसेच इतर गेस्ट्ससाठी काय उपयुक्त आहे याचा विचार करा.
• नोट्सकडे लक्ष द्या. गेस्ट्स अतिरिक्त सूचना किंवा फीडबॅक देण्यासाठी होस्टना नोट्सदेखील पाठवू शकतात. या फक्त तुम्ही आणि Airbnb पाहू शकता. सार्वजनिक रिव्ह्यूजच्या जोडीने, नोट्समुळे Airbnb ला सर्च रिझल्ट्समध्ये सुधारणा करण्यात आणि गेस्ट्सना आवडणारी घरे ओळखण्यात मदत होऊ शकते.
• स्टार रेटिंग्जकडे लक्ष द्या. गेस्ट्स विशिष्ट कॅटेगरीजमध्ये स्टार रेटिंग देऊ शकतात आणि काय चांगले होते किंवा काय आणखी चांगले होऊ शकले असते याच्या लिस्टमधून त्यांच्या मतानुसार निवड करू शकतात. काही ट्रेंड्स आहेत का हे पहा, जसे की, स्वच्छतेबद्दलचे रेटिंग देताना “खूप अव्यवस्थित” किंवा चेक इनबद्दलचे रेटिंग देताना “अस्पष्ट सूचना” अशा गोष्टी गेस्ट्स सातत्याने निवडत आहेत का.

तुम्ही गेस्ट्सना जे ऑफर करता त्यात आणखी सुधारणा करणे नेहमीच शक्य असते.

• रिव्ह्यूजना प्रतिसाद द्या. जेव्हा गेस्ट्स सूचना देतात, तेव्हा त्यांचे आभार मानण्यासाठी रिप्लाय द्या आणि त्यांच्या फीडबॅकवर तुमचे म्हणणे सांगा. यामुळे तुम्ही फीडबॅक गांभीर्याने घेत असल्याचे दिसून येते. तुम्ही सार्वजनिक रिव्ह्यूला रिप्लाय देत असल्यास, तुमचा प्रतिसाद त्यांच्या रिव्ह्यूखाली दिसून येईल.
• उपायांवर लक्ष केंद्रित करा. एखादी समस्या असल्यास, तिचे मूळ कारण शोधा आणि तुम्ही काय नियंत्रित करू शकता ते शोधा. उदाहरणार्थ, तुम्ही लॅम्प्स, कमी सूर्यप्रकाशात वाढू शकणारी रोपे आणि आरसे वापरून अंधाऱ्या खोलीला उजळ करू शकता.
• तुमच्या सपोर्ट टीमसोबत फीडबॅक शेअर करा. तुम्हाला को-होस्ट्स आणि क्लीनर्सना अतिरिक्त मार्गदर्शन करावे लागू शकते. उदाहरणार्थ, जर गेस्ट्सना पलंगावर अन्नाचे कण आढळत असतील, तर ते तुम्हाला स्वच्छतेमध्ये मदत करणाऱ्‍या लोकांना सांगा.
• तुमची लिस्टिंग अपडेट करा. तुम्ही गेस्ट्सच्या अपेक्षा किती पूर्ण करतात हे रिव्ह्यूजवरून दिसून येते. तुम्ही सध्या जे ऑफर करत आहात त्याच्याशी तुमच्या सुविधा, फोटोज आणि लिस्टिंगचे वर्णन जुळत असल्याची खात्री करा.

या लेखात दिलेली माहिती, लेख पब्लिश झाल्यानंतर बदललेली असू शकते.