तुमचे भाडे रिव्हयू करा

Airbnb सेटअप दरम्यान सुचवलेले भाडे लोकेशन, सुविधा आणि अशाच प्रकारच्या लिस्टिंग्जसाठी गेस्टची मागणी यासारख्या घटकांवर आधारित असते. तुम्ही नेहमी तुमच्या भाड्यावर नियंत्रण ठेवता आणि तुम्ही ते कधीही बदलू शकता.

तुम्ही तुमच्या जागेचे भाडे जवळपासच्या तशाच ठिकाणांपेक्षा जास्त ठेवल्यास, तुम्ही बुकिंग्ज गमावू शकता. आता तुमचे भाडे रिव्ह्यू करा आणि तुमची कमाईची उद्दिष्टे पूर्ण करण्यासाठी ते नियमितपणे अ‍ॅडजस्ट करण्याचा विचार करा.

स्थानिक मागणी समजून घेतल्याने, तुम्हाला तुमच्या जागेचे वाजवी भाडे ठरवण्यास मदत होऊ शकते.

नकाशावर जवळपासच्या अशाच लिस्टिंग्जचे सरासरी भाडे पाहण्यासाठी तुमच्या कॅलेंडरवर जा. तुम्ही निवडलेल्या तारखांना बुक झालेल्या किंवा बुक न झालेल्या जागा बघू शकता. लोकेशन, आकार, वैशिष्ट्ये आणि सुविधांसह अनेक घटक कोणत्या लिस्टिंग्ज सारख्या आहेत ते ठरवतात.

ऑस्ट्रेलियातील न्यू साऊथ वेल्समधील होस्ट सल्लागार बोर्डाच्या सदस्या आणि सुपरहोस्ट फेलिसिटी म्हणतात,“माझ्या प्रदेशात काय चालले आहे हे जाणून घेतल्याने, मला माझ्या भाड्याविषयी अधिक आत्मविश्वास मिळतो.” "मला कळेल की, माझे भाडे योग्य आहे आणि म्हणून मी माझी भूमिका कायम ठेवली पाहिजे किंवा मला माझे भाडे कमी करायची आवश्यकता आहे."

तुमचे भाडे रिव्ह्यू करताना, हे लक्षात ठेवा:

• हंगामी ट्रेंड्स. तुम्ही तुमचे भाडे मागणीशी जुळवण्यासाठी ॲडजस्ट करू शकता. लिसा, एकॉर्ड, न्यू यॉर्कमधील एक सुपरहोस्ट, त्यांच्याकडे एक पूल असल्याने त्या उन्हाळ्यात त्यांचे भाडे जास्त ठेवतात आणि “वर्षभर सतत बुकिंग्ज मिळवण्यासाठी” हिवाळ्यात कमी करतात.

• गेस्ट्सना द्यावे लागणारे एकूण भाडे. यामध्ये Airbnb सेवा शुल्क, कर आणि स्वच्छता किंवा पाळीव प्राण्यांसाठी शुल्क यांसारखे कोणतेही अतिरिक्त शुल्क समाविष्ट आहे. गेस्ट्स किती पैसे देतात यासह, भाड्याचे विश्लेषण मिळवण्यासाठी तुमच्या कॅलेंडरवर कोणत्याही तारखा निवडा.

• तुमच्या जागेचे मोल. अपडेट्स केल्याने अधिक गेस्ट्सना आकर्षित करण्यास मदत होऊ शकते. कॅलिफोर्नियाच्या लेक ॲरोहेडमधील होस्ट सल्लागार बोर्डाच्या सदस्या आणि सुपरहोस्ट केटी के म्हणतात, “डिझाईन आणि सुविधा तुमचे भाडे आणि बुकिंग्जला चालना देण्याचा एक चांगला मार्ग आहे.”

स्मार्ट रेट तुम्हाला तुमचे भाडे आपोआप अ‍ॅडजस्ट करण्यात मदत करू शकते. मागणीनुसार तुमचे भाडे नियमितपणे ॲडजस्ट करण्यासाठी, हे टूल शेकडो घटकांचा वापर करते. तुम्ही तुमच्या भाड्याची श्रेणी सेट करता आणि तुम्ही ती कोणत्याही तारखांसाठी चालू आणि बंद करू शकता.

काही होस्ट्स अनेक रिव्ह्यू होण्यापूर्वी गेस्ट्सना बुक करण्यास प्रवृत्त करण्यासाठी, त्यांच्या लिस्टिंगमध्ये सुरुवातीस कमी भाडे सेट करतात. प्रमोशन्स आणि सवलतीदेखील गेस्ट्सना आकर्षित करण्यात मदत करू शकतात. यामध्ये पुढील गोष्टींचा समावेश आहे:

• नवीन लिस्टिंगचे प्रमोशन. तुमच्या पहिल्या तीन बुकिंगसाठी तुमच्या प्रति रात्रीच्या भाड्यावर 20% ची सूट द्या. हे तुम्हाला अधिक जलद रिव्ह्यू मिळवण्यात मदत करू शकते.

• अर्ली बर्ड सवलत. चेक इनपूर्वी एक ते 24 महिन्यांपर्यंत, गेस्ट्सनी किती आगाऊ बुक करणे आवश्यक आहे ते तुम्ही निवडा.

• अखेरची सवलत चेक इनच्या एक दिवस आधीपासून ते 28 दिवसांपर्यंत, कमी आगाऊ सूचनेवर तुमच्या कॅलेंडरमधील रिकाम्या तारखा भरा.

• साप्ताहिक आणि मासिक सवलती. सात किंवा त्याहून अधिक किंवा 28 किंवा त्याहून अधिक रात्रींच्या बुकिंग्जसाठी एकूण रकमेवर सूट द्या.

स्पेनच्या कॅनरी बेटांवरील होस्ट सल्लागार बोर्डाचे सदस्य आणि सुपरहोस्ट डॅनियल म्हणतात,“साप्ताहिक आणि मासिक सवलती देऊन मला दीर्घकाळ वास्तव्ये मिळतात.” “सहसा गेस्ट्स एका आठवड्यासाठी बुकिंग करतात, आणि हा एक छोटा विजय आहे.”

पब्लिकेशननंतर या लेखात असलेल्या माहितीमध्ये कदाचित बदल झालेला असू शकेल.