तज्ञांचा हा सल्ला वापरून सराईतपणे स्वच्छ करा

दोन गेस्ट्सच्या वास्तव्याच्या दरम्यान पूर्णपणे साफसफाई करणे हा पंचतारांकित होस्टिंगचा एक आवश्यक भाग आहे. गेस्ट्सनी पाच स्टार्सपेक्षा कमी स्टार देण्यामागील सर्वात सामान्य कारण म्हणजे स्वच्छतेची कमतरता.

तुमच्या आदरातिथ्याला धूळ, डाग किंवा गंध याने कलंकित होऊ देऊ नका. प्रोफेशनल क्लीनर डायना क्रूझ यांचे हे सल्ले वापरून पहा. ती आणि तिचा नवरा नैऋत्य फ्लोरिडामध्ये Airbnb लिस्टिंग्ज असलेल्या होस्ट्ससाठी डझनभर प्रॉपर्टीज साफ करतात.

स्वतःला यशासाठी सेट करून स्वच्छतेची कामे अधिक सहजतेने हाताळा. डायना यासारख्या बहुपयोगी गोष्टींचा वापर करतात:

• फ्लोअर्स घासण्यासाठी आणि पोहोचता न येणाऱ्या कोपऱ्यांमधील धूळ साफ करण्यासाठी मायक्रोफायबर आणि ब्रश हेडसह मल्टी-यूज मॉप
• साबणाचे पाणी स्वच्छ पाण्यापासून वेगळे करण्यासाठी डबल-साईड असलेली मॉप बादली
• स्लाइडिंग-डोअर ट्रॅक सारख्या कार्पेट्स आणि क्रिव्हिसेससाठी अटॅचमेंट्ससह व्हॅक्यूम
• सिंक, टब किंवा नळी नसलेला एखादा शॉवर धुण्यासाठी स्लिप-ऑन शॉवर नळी
• कुकटॉप्स आणि शॉवर दरवाजे किंवा स्टॉल्ससाठी बहुउद्देशीय ग्लास स्क्रॅपर
• डाग, साबण आणि स्वयंपाकघरातील चिकट पदार्थ काढून टाकण्यासाठी गैर-विषारी स्वच्छता उपाय
• स्टेनलेस स्टीलच्या फिक्स्चर्सवरील जड पाण्याचे डाग काढून टाकण्यासाठी स्क्रॅच न आणणारे स्पॉन्जेस
• ड्रायर बॉल्स कपड्यांवर चिकटलेले धागे आणि केस कमी करण्यासाठी
• फॅब्रिकने झाकलेल्या फर्निचरमधून पाळीव प्राण्यांचे फर आणि केस काढण्यासाठी पुन्हा वापरता येण्याजोगा लिंट रोलर

संघटित राहणे तुम्हाला तुमच्या वेळेचा पुरेपूर उपयोग करण्यात मदत करू शकते. तुमचे सर्व साफसफाईचे सामान एकाच ठिकाणी स्टोअर करा, जसे की पोर्टेबल कॅडी किंवा लॉक असलेले कपाट आणि नियमितपणे रिस्टॉक करा.

डायना म्हणते की जर तुम्हाला गेस्ट्सकडून पाच स्टार्स मिळवायचे असतील तर मूलभूत गोष्टींच्या पलीकडे जाणे महत्त्वाचे आहे. ती एक दिनचर्या आणि चेकलिस्ट ठेवण्याची शिफारस करते, जेणेकरून तुम्ही काहीही विसरणार नाही

डायना नेहमी बेड्स आणि इतर लिनन्स काढून सुरुवात करते. “त्याच दिवशी पुढचे गेस्ट्स येणार असतील तर स्वच्छ चादरी आणि टॉवेल्सचे अतिरिक्त सेट्स असणे चांगले,” ती म्हणते. “मोठे, मऊ टॉवेल्स वाळण्यासाठी बराच वेळ घेतात आणि त्यामुळे तुमची गती कमी होते.”

ती सामान्यत: दुर्लक्षित घाण, डाग आणि केस काढून टाकण्यासाठी अतिरिक्त काळजी घेते जसे की:

• बेड्सच्या खाली. प्रत्येक बेडच्या खाली पहा आणि मागे राहिलेली कोणतीही धूळ किंवा वस्तू साफ करा.
• ड्रॉवर्सच्या आत. प्रत्येक ड्रॉवर उघडा आणि आत काही कचरा असल्यास काढा.
• कॅबिनेट दरवाजे. पुढची बाजू आणि कडा पुसून टाका.
• घरगुती उपकरणे. टोस्टर, कॉफी मेकर, मायक्रोवेव्ह आणि रेफ्रिजरेटरमधून क्रम्स, ग्राउंड्स किंवा गळतीचे सर्व डाग साफ करा.
• आतील सजावट. शेल्व्हस, खिडकीच्या पट्ट्या आणि घरातील झाडे यासह सर्व पृष्ठभाग साफ करा.
• बाहेरच्या जागा. घाण, पाने आणि जाळ्यांपासून मुक्त होण्यासाठी प्रवेशद्वार आणि अंगण स्वच्छ करा.

तुम्ही पूर्ण केल्यावर तुमचे काम तपासा. यामध्ये तुम्ही ड्रायर किंवा डिशवॉशरमधून कपडे आणि डिशेस बाहेर काढता तेव्हा त्यांची तपासणी करणे समाविष्ट आहे.

लागोपाठ बुकिंग्ज असताना तुमच्याकडे वेळ नसलेली कामे हाताळण्यासाठी दर दोन किंवा तीन महिन्यांनी सखोल स्वच्छतेचे वेळापत्रक करा.

वासाच्या बाबतीत प्रत्येकाची प्रतिक्रिया वेगवेगळी असते. कोणत्याही प्रकारचे तीव्र सुगंध गेस्ट्ससाठी त्रासदायक ठरू शकतात. डायना म्हणते की ब्लीच, एअर फ्रेशनर किंवा इतर उपायांनी गंध लपवण्याचा प्रयत्न केल्यास त्याचा सहसा उपयोग होत नाही.

डायना सुचवतात:

• जेव्हा जेव्हा हवामान चांगले असेल तेव्हा तुम्ही काम करत असताना खिडक्या उघड्या ठेवा.
• तीव्र गंध कमी होण्यात मदत व्हावी यासाठी दोन किंवा तीन तास एअर प्युरिफायर चालू ठेवा.
• सोफे, ड्रेप्स आणि कार्पेटच्या कापडावर पाणी मिसळलेले सौम्य, बहुउद्देशीय जंतुनाशक फवारा.

“मी खूप तीव्र असे काहीही न वापरता, शक्यतो वनस्पती-आधारित क्लीनर वापरण्याचा प्रयत्न करते,” डायना सांगतात. “ते महाग असले तरी ते वापरणे फायदेशीर ठरते. जागेत ताजेपणाचा सुगंध आहे याबद्दल माझी अनेकदा प्रशंसा केली गेली आहे.”

विशेष लक्ष देऊन केलेल्या अतिरिक्त गोष्टींमुळे गेस्ट्स खूप प्रभावित होतात. प्रथमदर्शनी उत्कृष्ट छाप पाडण्यासाठी तीन अंतिम गोष्टी करण्यास डायना आग्रहाने सांगतात.

• सुविधेच्या गोष्टी रीफिल करून ठेवा. यात भांड्यांचा साबण, हाताचा साबण, बॉडी वॉश, शॅम्पू आणि कंडिशनरचा समावेश आहे. तुम्ही डिश स्पाँजसारख्या डिस्पोजेबल गोष्टी उपलब्ध करून देत असल्यास ती नवीकोरी आणि तिच्या रॅपरमध्येच ठेवण्याची खात्री करा.
• घरातील अ‍ॅक्सेसरीज नीटनेटक्या ठेवा. रिमोट कंट्रोल्स, थ्रो पिलोज आणि ड्रॉवर्स तसेच कॅबिनेट्समधील हेअर ड्रायर किंवा भांडी आणि पॅन्स यासारख्या गोष्टी व्यवस्थित जागच्या जागी ठेवा.
• आकर्षकपणे फोल्ड करून सौंदर्य वाढवा. एखाद्या फॅन्सी हॉटेलमध्ये असते त्याप्रमाणे टॉयलेट पेपर आणि पेपर टॉवेल्सच्या कडा अशा प्रकारे खालच्या बाजूला फोल्ड करून ठेवा की त्यांचे टोक बाहेरच्या बाजूला दिसेल.

“मी कचऱ्याच्या पिशव्यासुद्धा चांगल्या प्रकारे फोल्ड करते,” डायना सांगते. “छोट्या छोट्या गोष्टी गेस्ट्सचे लक्ष वेधून घेतात—एक माणूस जातीने त्यांच्या गरजांकडे लक्ष देतो आहे याचा तो पुरावा असतो.”

तुमची स्वच्छतेची उद्दिष्टे पूर्ण करण्यात तुम्हाला मदत करण्यासाठी को-होस्ट जोडण्याचा किंवा स्वच्छता कर्मचाऱ्याची मदत घेण्याचा विचार करा. अतिरिक्त सहाय्य घेतल्यास चेक आऊटनंतरची तयारी जास्त चांगली होऊ शकते आणि गेस्ट्सना फाईव्ह-स्टार अनुभव देण्यात तुम्हाला मदत होऊ शकते.

डायना क्रूझ आणि तिचे पती यांचा फोटो काढण्यात आला नाही.

या लेखात दिलेली माहिती, लेख पब्लिश झाल्यानंतर बदललेली असू शकते.