गेस्ट्सना खुश करण्यासाठी तुमची जागा नीटनेटकी करा

पाहुण्यांना स्वच्छ आणि टापटीप जागा आवडते. तुम्ही गेस्ट्सना खाजगी खोली द्या किंवा संपूर्ण घर वापरण्यास द्या, तुमची जागा व्यवस्थित राखण्यासाठी होस्ट्सचे हे सल्ले वापरून पहा.

अल्बानी, ऑस्ट्रेलिया येथील होस्ट कॅथ म्हणतात, “मला असे वाटते की जेवढा कमी गोंधळ असेल, जागा तेवढी अधिक स्वच्छ आणि व्यवस्थित दिसते.” पर्यटक स्वच्छतेबद्दल खूप जागरूक असतात. Airbnb च्या आकडेवारीनुसार, नकारात्मक रिव्ह्यूसाठी अस्वच्छ जागा हे एक प्रमुख कारण आहे.

ब्लेन्को, टेक्सासमधील सुपरहोस्ट्स जे आणि लिन म्हणतात, “सपाट पृष्ठभागावरील गोंधळ आणि वस्तू कमी करणे महत्वाचे आहे.” “यामुळे साफसफाई करणे खूप सोपे होते, गेस्ट्सना त्यांच्या वस्तू ठेवण्यास जागा मिळते आणि ते गोष्टी विसरणार नाही यात मदत होते, कारण ते रूम सोडताना शेवटची नजर फिरवून काही राहिले आहे का हे पाहू शकतात.”

गेस्ट्सना त्यांचे कपडे, सौदर्यप्रसाधने आणि इतर वैयक्तिक वस्तू ठेवण्यासाठी जागा पाहिजे असते. काही ड्रॉवर आणि कपाट रिकामे ठेवण्यासाठी तुम्हाला अनावश्‍यक वस्तू काढून टाकाव्या लागू शकतात. सयुलिता, मेक्सिको येथील होस्ट सारा म्हणते, “जर मी एक-दोन वर्षांत त्याचा वापर केला नसेल किंवा ते घातले नसेल, तर मी ती गोष्ट काढून टाकते.” 

तुम्हाला आणखी जागा मोकळी करावी लागू शकते, विशेषतः जर तुम्ही सोल, दक्षिण कोरियामधील होस्ट जेसिकाप्रमाणे गेस्ट्सना दीर्घकालीन वास्तव्यासाठी जागा देत असाल तर. त्या म्हणतात, “मला खात्री आहे की त्यांच्याकडे पुस्तके, स्मरणिका, कुटुंबाचे फोटो आणि त्यांच्या स्वतःच्या बऱ्याच गोष्टी असतील ज्या त्यांना बेडसाइडच्या टेबलावर किंवा डेस्कवर किंवा शेल्फवर ठेवायच्या असतील.”

गेस्ट्सना सहजपणे सापडतील अशाप्रकारे सुविधा प्रदर्शित करण्याचा सर्वोत्तम मार्ग शोधा. इव्हिनिएक-ला-टूर, फ्रान्समधील होस्ट शांटलकडे गेस्ट्ससाठी स्वतंत्र कॅबिनेट आहे: "यामध्ये पाण्याच्या लहान बाटल्या पासून टॉयलेट पेपरपर्यंत सर्वकाही स्वतंत्र बास्केटमध्ये शेल्फ आणि श्रेणीनुसार आहे."

एकदा सर्वकाही व्यवस्थित लावून झाल्यानंतर, लिनन आणि इतर वस्तूंची यादी करत रहा आणि उत्तम स्थितीत नसलेली कोणतीही वस्तू दान करा किंवा टाकून द्या.

लिंकन, कॅलिफोर्निया येथील होस्ट अलेक्झांड्रा म्हणतात,“जेव्हा लिस्टिंगच्या किचनमधील प्रत्येक गोष्ट जंबल सेलमधून किंवा इतर कोणी टाकून दिलेल्या वस्तूंमधून घेतल्यासारखी दिसते तेव्हा मला ते आवडत नाही.” 

किचन आणि बाथरूम्समध्ये गेस्ट्सना खरोखर आवश्यक असेल ते पुरवा आणि बाकीच्या वस्तू काढून टाका. बऱ्याचजणांना बॉटल ओपनर आणि हेअर कंडिशनरसारख्या गोष्टी उपलब्ध असलेल्या आवडतील, परंतु त्यांना या वस्तूंच्या तीन-तीन प्रकारांची गरज नाही.

आधीच्या गेस्ट्सने मागे ठेवलेल्या वस्तू भविष्यातील गेस्ट्ससाठी वापरणे म्हणजे वस्तूंचा कमी अपव्यय वाटू शकतो, परंतु ही चांगली कल्पना नाही. शिकागोमधील होस्ट मिशेल केवळ "बाटलीबंद पाणी, सोडा आणि सिंगल-यूज मसाले" यांसारख्या "मूळ खरेदी केल्याप्रमाणे सीलबंद" खाद्यपदार्थ आणि पेय ठेवते.

ऑस्टिन, टेक्सास येथील होस्ट केली म्हणते, “खोलीतील प्रत्येक गोष्टीचा एक उद्देश असला पाहिजे.” “याचा अर्थ असा नाही की खोली स्टाईलिश असू नये किंवा सुंदर, उबदार, आरामदायी वाटू नये.” 

उपयुक्त आणि आरामदायी यांच्यातील योग्य संतुलन प्रत्येक जागेसाठी बदलू शकते, परंतु विचारात घेण्यासाठी येथे काही मूलभूत टिप्स दिल्या आहेत :

• अतिशय जवळीक साधू नका. गेस्ट्सच्या एरियामध्ये कौटुंबिक फोटो, मुलांच्या कलाकृती आणि कपडे व शूज यांसारख्या गोष्टी ठेवू नका.
• सौम्य दिखावा चालू शकतो. फ्रेम केलेली स्थानिक कलाकृती, एक वेगळे फर्निचर किंवा अनोखा आरसा तुमची जागा नजरेत भरण्यास मदत करेल. 
• थोडी सजावट करा. झाडे आणि उशा यासारख्या वस्तू तुमच्या जागेचा घरासारखा स्पर्श देतात—परंतु त्यांचा वापर भरपूर प्रमाणात आणि हेतुपुरस्सर केलेला नसावा.