तुमच्या बुकिंगच्या सेटिंग्ज कशा निवडायच्या
तुम्ही गेस्ट रिझर्व्हेशन्स दोनपैकी कोणत्याही एका पद्धतीने स्वीकारू शकता: तात्काळ बुकिंग वापरून ऑटोमॅटिक पध्दतीने किंवा बुकिंगच्या विनंत्यांना स्वत: प्रतिसाद देऊन. बर्‍याच गेस्ट्सना आणि होस्ट्सना तात्काळ बुकिंग ही वेळ वाचवणारी सुविधा आवडते.
तात्काळ बुकिंग म्हणजे काय?
तात्काळ बुकिंगद्वारे गेस्ट्सना तुमच्या कॅलेंडरवरील कोणत्याही उपलब्ध तारखा त्वरित बुक करता येतात. तुम्हाला फक्त विशेष परिस्थिती असलेल्या रिझर्व्हेशन्ससाठी बुकिंग विनंत्या मिळतील, ज्यांच्यासाठी तुमच्या मंजुरीची आवश्यकता असेल, जसे की 31 पेक्षा जास्त रात्रींची वास्तव्ये.
सर्व गेस्ट्सनी तुमच्या घराचे नियम मान्य करणे आणि Airbnb च्या बुकिंगच्या आवश्यकता पूर्ण करणे गरजेचे आहे. तुमची लिस्टिंग पब्लिश केल्यानंतर, तुम्ही अशी काही सेटिंग्ज जोडू शकता ज्यामुळे तात्काळ बुकिंग वापरणाऱ्या गेस्ट्सना पुढील अटींची पूर्तता करावी लागेल:
- वाईट रिव्ह्यूशिवाय किंवा Airbnb सपोर्टकडे रिपोर्ट केलेल्या घटनेशिवाय रिझर्व्हेशन पूर्ण केलेले असणे.
- तुम्ही तयार केलेल्या ऑटोमेटेड प्री-बुकिंग मेसेजमधील प्रश्न वाचून त्यांना प्रतिसाद देणे.
मी माझी पहिली 5 बुकिंग्ज कशी मंजूर करू?
जेव्हा एखाद्या गेस्टला तुमची जागा बुक करायची असेल, तेव्हा तुम्हाला रिझर्व्हेशनची विनंती मिळेल. विनंती कालबाह्य होण्यापूर्वी ती मंजूर करण्यासाठी किंवा नाकारण्यासाठी तुमच्याकडे 24 तास असतील. तुम्हाला विनंत्या शक्य तितक्या लवकर मिळतील याची खात्री करण्यासाठी तुम्ही नोटिफिकेशन्स सेट अप करू शकता.
एखाद्या गेस्टने रिझर्व्हेशनची विनंती पाठवल्यावर, भविष्यात विनंत्या ओव्हरलॅप होणे टाळण्यासाठी, तुमच्या कॅलेंडरवरच्या तारखा आपोआप ब्लॉक केल्या जातात. तुम्ही विनंती स्वीकारल्यास किंवा तिची मुदत संपल्यास त्या तारखा ब्लॉक केलेल्याच राहतात, त्यामुळे प्रत्येक विनंतीला त्वरित प्रतिसाद देणे महत्त्वाचे आहे.
तुम्ही 5 रिझर्व्हेशन्स कन्फर्म केल्यानंतर तुमची बुकिंग सेटिंग्ज तात्काळ बुकिंगवर स्विच होतील. तुम्ही तुमची नोटिफिकेशन्स सेटिंग्ज कधीही अपडेट करू शकता.
तुमच्यासाठी कोणता पर्याय योग्य आहे?
तुमची बुकिंग सेटिंग्ज निवडताना या काही गोष्टी लक्षात घ्यायला हव्यात:
तात्काळ बुकिंग
- गेस्ट्सना रिझर्व्हेशन्स त्वरित कन्फर्म करता येणे आवडते, ज्यामुळे अधिक बुकिंग्ज मिळू शकतात.
- तात्काळ बुकिंग तुम्ही सेट केलेल्या निकषांच्या आधारे तुमच्यासाठी बुकिंग्ज स्वीकारते.
- तुम्हाला तुमचे कॅलेंडर अप टू डेट ठेवावे लागेल आणि तुम्ही वापरत असलेल्या इतर कॅलेंडर्ससह सिंक करावे लागेल.
रिझर्व्हेशनच्या विनंत्या
- गेस्ट्सना लवकर प्रतिसाद मिळणे आवडते, म्हणूनच जर तुम्ही 24 तासांच्या आत प्रतिसाद देऊ शकत असाल तरच हा पर्याय वापरा.
- तुम्ही तुमच्या जागेच्या विशेष नियमांवर किंवा वैशिष्ट्यांवर जोर द्यावा, जसे की एकमेव प्रवेशद्वाराकडे जाणाऱ्या उंच पायऱ्या.
- Airbnb च्या भेदभाव-विरोधी धोरणाचे उल्लंघन करणाऱ्या कारणांसाठी तुम्ही विनंत्या नाकारू शकत नाही.
कॅन्सलेशन टाळता येऊ शकेल अशा परिस्थितीत गेस्ट्सचे बुकिंग कॅन्सल केल्याने शुल्क आकारले जाणे आणि इतर परिणाम होऊ शकतात, म्हणूनच कॅन्सल करणे टाळण्यात तुम्हाला मदत करेल असा पर्याय निवडा.
या लेखात दिलेली माहिती, लेख पब्लिश झाल्यानंतर बदलली असू शकते.