कॅन्सलेशन धोरणे निवडणे

प्रवाशांना सोयीस्करपणा हवा असतो. खरं तर, 44% Airbnb गेस्ट्स म्हणतात की राहण्याची जागा निवडताना विनामूल्य कॅन्सलेशन ही त्यांच्या सर्वोच्च गरजांपैकी एक आहे.* म्हणूनच विनामूल्य कॅन्सलेशन कालावधी बुकिंगनंतर 48 तासांपेक्षा जास्त असलेल्या लिस्टिंग्ज सर्च रिझल्ट्समध्ये हायलाईट केल्या जातात.

योग्य कॅन्सलेशन धोरण तुमच्या उद्दिष्टांना सपोर्ट करतेच आणि त्याचबरोबर बुकिंग्जही आकर्षित करू शकते. तुमच्यासाठी योग्य अशी स्टँडर्ड आणि दीर्घकालीन कॅन्सलेशन धोरणे निवडा. तुम्ही तुमचे धोरण कधीही अपडेट करू शकता.**

तुमचे स्टँडर्ड कॅन्सलेशन धोरण सलग 27 किंवा त्यापेक्षा कमी सलग रात्रींच्या सर्व रिझर्व्हेशन्सवर लागू होते.

• सोयीस्कर: पूर्ण रिफंड मिळवण्यासाठी गेस्ट्स चेक इनपूर्वी 24 तास आधीपर्यंत कॅन्सल करू शकतात आणि तुम्हाला पेमेंट मिळणार नाही. त्यांनी चेक इनपूर्वी 24 तासांपेक्षा कमी वेळेत कॅन्सल केल्यास आणि चेक इन नाहीच केल्यास, तुम्हाला पहिल्या रात्रीचे भाडे मिळेल. त्यांनी चेक इनच्यानंतर कॅन्सल केल्यास, तुम्हाला त्यांनी राहिलेल्या प्रत्येक रात्रीचे तसेच 1 अतिरिक्त रात्रीचे पेमेंट मिळेल.
• मध्यम: पूर्ण रिफंड मिळवण्यासाठी गेस्ट्स चेक इनच्या 5 दिवस आधीपर्यंत कॅन्सल करू शकतात आणि तुम्हाला पेमेंट मिळणार नाही. त्यांनी त्यानंतर, म्हणजे पाचपेक्षा कमी दिवसांपूर्वी कॅन्सल केल्यास, तुम्हाला त्यांनी राहिलेल्या प्रत्येक रात्रीचे, तसेच 1 अतिरिक्त रात्रीचे आणि न वापरलेल्या सर्व रात्रींचे 50% पेमेंट मिळेल.
• मर्यादित: पूर्ण रिफंड मिळवण्यासाठी गेस्ट्स चेक इनच्या 14 दिवस आधीपर्यंत कॅन्सल करू शकतात आणि तुम्हाला पेमेंट मिळणार नाही. त्यांनी चेक इनपूर्वी 7 ते 14 दिवसांच्या दरम्यान कॅन्सल केल्यास, तुम्हाला सर्व रात्रींसाठी 50% पेमेंट मिळेल. त्यांनी चेक इनच्या 7 दिवसांपेक्षा कमी दिवस आधी कॅन्सल केल्यास, तुम्हाला सर्व रात्रींसाठी 100% पेमेंट मिळेल.
• ठाम: गेस्ट्स चेक इनपूर्वी 30 दिवसांपर्यंत कॅन्सल करू शकतात आणि तुम्हाला पेमेंट मिळणार नाही. त्यांनी चेक इनपूर्वी 7 ते 30 दिवसांच्या दरम्यान कॅन्सल केल्यास, तुम्हाला सर्व रात्रींसाठी 50% पेमेंट मिळेल. त्यांनी चेक इनच्या 7 दिवसांपेक्षा कमी दिवस आधी कॅन्सल केल्यास, तुम्हाला सर्व रात्रींसाठी 100% पेमेंट मिळेल.

सर्व स्टँडर्ड धोरणांसाठी, गेस्ट्सनी चेक इनच्या किमान 7 दिवस आधी आणि बुकिंग केल्याच्या 24 तासांच्या आत कॅन्सल केल्यास त्यांना पूर्ण रिफंड मिळतो.

काही होस्ट्स त्यांच्या स्टँडर्ड कॅन्सलेशन धोरणात नॉन-रिफंडेबल पर्याय जोडून जास्त कमाई करतात. या पर्यायामध्ये गेस्ट्स अधिक कठोर कॅन्सलेशन धोरण निवडून सवलतीचे भाडे मिळवू शकतात, साधारणपणे ही सवलत तुमच्या किमान भाड्यावर 10% असते. त्यांनी रिझर्व्हेशन कॅन्सल केले, तर बुक केलेल्या सर्व रात्रींचे संपूर्ण पेआऊट तुम्हाला मिळते.

तुमचे दीर्घकालीन कॅन्सलेशन धोरण मासिक वास्तव्यांवर म्हणजेच सलग 28 किंवा त्याहून अधिक रात्रींच्या रिझर्व्हेशन्सवर लागू होते.

• ठाम: गेस्ट्स चेक इनपूर्वी 30 दिवसांपर्यंत कॅन्सल करून पूर्ण रिफंड मिळवू शकतात. गेस्टने त्यानंतर कॅन्सल केल्यास, तुम्हाला वापरलेल्या सर्व रात्रींसाठी 100%, तसेच 30 अतिरिक्त रात्रींचे पेमेंट मिळेल. गेस्टने कॅन्सल करतेवेळी रिझर्व्हेशनमध्ये 30 पेक्षा कमी रात्री उरलेल्या असल्यास, तुम्हाला त्या उरलेल्या सर्व रात्रींसाठी 100% पेमेंट मिळेल.
• कठोर: गेस्ट्स बुकिंग केलेल्या वेळेपासून 48 तासांच्या आत आणि चेक इनच्या किमान 28 दिवस आधी कॅन्सल करून पूर्ण रिफंड मिळवू शकतात. गेस्टने त्यानंतर कॅन्सल केल्यास, तुम्हाला वापरलेल्या सर्व रात्रींसाठी 100% तसेच रिझर्व्हेशन केल्याच्या तारखेपासून 30 अतिरिक्त रात्रींसाठी पेमेंट मिळेल. गेस्टने कॅन्सल करतेवेळी रिझर्व्हेशनमध्ये 30 पेक्षा कमी रात्री उरलेल्या असल्यास, तुम्हाला त्या उरलेल्या सर्व रात्रींसाठी 100% पेमेंट मिळेल.

गेस्टने विनामूल्य कॅन्सलेशनच्या कालावधीत कॅन्सल केल्यास स्वच्छता शुल्क पूर्णपणे रिफंड केले जाते. त्यांनी त्यानंतर कॅन्सल केल्यास, स्वच्छता शुल्क हे रात्रीच्या भाड्याचा भाग मानले जाते आणि कोणताही रिफंड तुमच्या कॅन्सलेशन धोरणावर आधारित असतो.***

तुमच्या गरजा, उद्दिष्टे आणि आदर्श गेस्ट्सचा विचार करा आणि या सर्वांसाठी योग्य असे धोरण निवडा. गेस्ट्सना आकर्षित करण्यासाठी, तुमच्या होस्टिंग बिझनेसला सपोर्ट करणारे सर्वात सोयीस्कर कॅन्सलेशन धोरण निवडण्याचा विचार करा.

सोयीस्कर धोरण योग्य असू शकते जर:

• सध्याच्या सीझनमध्ये फार गेस्ट्स येत नाहीत आणि तुम्हाला सोयीस्कर प्रवासाचे प्लॅन्स असलेल्या गेस्ट्सना आकर्षित करायचे आहे.
• सध्याच्या सीझनमध्ये खूप गेस्ट्स येतात आणि तुम्हाला विश्वास वाटतो की एखाद्या गेस्टने कॅन्सल केले तरीही तुमची जागा पुन्हा बुक होईल.
• तुमची लिस्टिंग अशा ठिकाणी आहे जिथे स्पर्धा फार आहे आणि तुम्हाला उशीराने केलेल्या कॅन्सलेशन्सची काळजी नाही.

मध्यम धोरण योग्य असू शकते जर:

• तुम्हाला शेवटच्या क्षणी होणारी कॅन्सलेशन्स टाळायची आहेत.
• एखाद्या गेस्टने कॅन्सल केल्यास पुढील बुकिंग मिळवण्यासाठी थोडा वेळ हाताशी असणे तुम्ही पसंत करता.
• तुम्हाला बिझनेस प्रवाशांना आणि इतर गेस्ट्सना आकर्षित करायचे आहे ज्यांना रिफंड मिळेल अशी रिझर्व्हेशन्स करायची आहेत.

मर्यादित धोरण योग्य असू शकते जर:

• तुम्हाला कॅन्सलेशन्स टाळायची आहेत, पण किमान 2 आठवड्यांची नोटिस मिळाल्यास तुम्ही ती हाताळू शकता. 
• एखाद्या गेस्टने कॅन्सल केल्यास पुढील बुकिंग मिळवण्यासाठी तुमच्याकडे थोडा वेळ असणे तुम्हाला आवडते.
• तुमच्या जागेला मागणी आहे, परंतु तुम्हाला रिझर्व्हेशनमध्ये सोयीस्कररीत्या बदल करू इच्छिणाऱ्या गेस्ट्सना आकर्षित करायचे आहे.

ठाम धोरण योग्य असू शकते जर:

• तुम्हाला कॅन्सलेशन्स टाळायची आहेत, पण किमान 30 दिवसांची नोटिस मिळाल्यास तुम्ही ती हाताळू शकता. 
• एखाद्या गेस्टने कॅन्सल केल्यास तुम्हाला पुढील बुकिंग मिळवण्यासाठी जास्त वेळ पाहिजे.
• तुमच्या जागेला वर्षभर मागणी असते.

*2024 मध्ये 11 जागतिक बाजारपेठांमधील प्रवाशांच्या Airbnb सर्वेक्षणाच्या आधारे.

**अशी विशेष प्रकरणे असू शकतात ज्यात तुमच्या लिस्टिंगवर वेगवेगळी कॅन्सलेशन धोरणे लागू होऊ शकतात. अधिक जाणून घ्या

***21 एप्रिल 2025 पूर्वी बुक केलेल्या रिझर्व्हेशन्ससाठी, एखाद्या गेस्टने चेक इनपूर्वी कॅन्सल केल्यास, स्वच्छता शुल्क पूर्णपणे रिफंड केले जाते, मग तुमचे कॅन्सलेशन धोरण काहीही असो.

या लेखात दिलेली माहिती, लेख पब्लिश झाल्यानंतर बदलली असू शकते.