तुमच्या होस्ट प्रोफाईलची पॉवर अनलॉक करा

गेस्ट्सनी आम्हाला सांगितले आहे की रूम रिझर्व्ह करण्यापूर्वी ते कोणाबरोबर घर शेअर करणार आहेत हे त्यांना जाणून घ्यायचे असते. तुमच्या होस्ट प्रोफाईलच्या मदतीने तुम्ही स्वतःची ओळख करून देऊ शकता आणि गेस्ट्सच्या अपेक्षा सेट करू शकता.

तुमची होस्ट प्रोफाईल म्हणजे गेस्टना दिसणारा तुमच्या Airbnb प्रोफाईलचा व्ह्यू असतो. तुमचे नाव, किती वर्ष होस्टिंग करत आहात, स्टार रेटिंग आणि गेस्टच्या रिव्ह्यूजची संख्या यासारखे तपशील वरच्या भागात दिसतात. त्यानंतर तुम्हाला हवे ते वैयक्तिक तपशील तुम्ही समाविष्ट करू शकता, जसे की तुमचे काम, छंद, तुम्हाला येणार्‍या भाषा, एखादी मजेदार गोष्ट, तुमच्या पाळीव प्राण्याचे नाव आणि तुमच्या जागेत राहण्यात काय खास आहे वगैरे.

गेस्ट्सना रूम्सच्या सर्च रिझल्ट्समध्ये तुमच्या होस्ट प्रोफाईलचा काही भाग दिसू शकतो. ते तुमच्या फोटोवर टॅप करून तुमची पूर्ण प्रोफाइल पाहू शकतात. गेस्ट्स तुमच्या लिस्टिंगमधूनसुद्धा तुमची प्रोफाईल अ‍ॅक्सेस करू शकतात.

प्रथमदर्शनी उत्तम प्रभाव पडेल असे फोटो घेण्यासाठी हे सल्ले वापरून पहा.

तुमच्या होस्ट प्रोफाईलमुळे तुम्हाला गेस्ट्ससोबत विश्वासाचे नाते तयार करण्यात मदत होते. तुमची आवड, कामाचे स्वरूप किंवा संगीतातील आवड एकसारखी आहे हे कळल्यावर मनात एक आपलेपणाची भावना निर्माण होते.

“होस्ट माझे उत्तम मित्र असण्याची गरज नाही, पण ते असे असावेत ज्यांच्याबरोबर जागा शेअर करताना मला छान वाटेल,” असे ओक्लाहोमा सिटीमधील गेस्ट स्टेसी म्हणतात. “त्यांच्या प्रोफाईलमुळे ते एक माणूस म्हणून कसे आहेत हे समजण्यात आणि भेटीचा विशिष्ट मूड सेट करण्यात मदत होते.”

आधीच जास्त तपशील मिळाले तर गेस्ट्सना तुमची जागा त्यांच्या प्रवासाच्या गरजांसाठी योग्य आहे की नाही हे ठरवायला मदत होते ज्यामुळे तुमच्या दोघांचा वेळ आणि शक्ती वाचते. “यामुळे एकमेकांना सारखे मेसेजेस पाठवायची गरज पडत नाही आणि बुकिंग करणे आणखी सोपे होऊन जाते, कारण मला माझ्या प्रश्नांची उत्तरं आधीच मिळालेली असतात,” असे स्टेसी म्हणतात.

मेकन, जॉर्जियामधील सुपरहोस्ट ख्रिस हे त्यांच्या होस्ट प्रोफाईलचा वापर गेस्ट्सशी संभाषण सुरू करण्यासाठी करतात. “माझा स्वभाव शांत आहे आणि होस्ट प्रोफाईलमुळे मला स्वतःबद्दल आणखी मोकळेपणाने सांगण्यात मदत झाली आहे,” ते म्हणतात.

ख्रिस यांनी त्यांच्या प्रोफाईलमध्ये असे नमूद केले आहे की ते रिटायर्ड अ‍ॅथलीट आहेत आणि 2 ऐतिहासिक ब्लॅक युनिव्हर्सिटीजसाठी फुटबॉल खेळले आहेत. त्यांनी हे देखील शेअर केले आहे की:

• ते गोल्फ खेळण्यात खूप वेळ घालवतात
• त्यांचा जन्म 80 च्या दशकात झाला
• त्यांच्या इथे गेस्ट्ससाठी काॅफी बार आहे

गेस्ट्सनी तुमची रूम बुक करण्यापूर्वी त्यांना आणखी थोडी माहिती दिल्यास, तुम्हाला समान आवडीनिवडी आणि दिनक्रम असलेल्या गेस्ट्सशी मॅच करण्यात मदत होऊ शकते.

गेस्ट स्टेसी म्हणतात त्याप्रमाणे, “होस्ट कराओकेवर गाणी गाण्यात ‘खूप वेळ घालवतात’ असं वाचल्यास, मला कळते की या होस्टच्या गेस्टविषयीच्या अपेक्षा, Netflix वर बिंज वॉचिंग करण्यात ‘खूप वेळ घालवणार्‍या’ होस्टपेक्षा वेगळ्या असतील.”

या लेखात दिलेली माहिती, लेख पब्लिश झाल्यानंतर बदललेली असू शकते.